Yarı varmış Şəhidin

Xiyabana qız gəlib,
Əyninə qara geyib,
Yaşı görünür azdır,
Üzü solğun, bəyazdır.

Bir qəbri tumarlayır,
İçin için ağlayır...
Hərdən deyir: “Sevgilim,
Bəs mən sənsiz neyləyim”...

Xəbəri yox, heç kimin,
Sevirdi gizlin-gizlin,
Sanki bir ay parçası,
Yarı varmış Şəhidin...

Xiyabana qız gəlib,
Əyninə qara geyib,
Qəbri hey tumarlayır,
Səssiz-səssiz ağlayır...

Müəllif: Gülzar İbrahimova