Bir gün evdə tək qalsan,
Tək qalmaqdan darıxsan,
Kitab oxu, şəkil çək,
Vaxtın gözəl keçəcək.
Qapı döyülsə birdən,
Əvvəl soruş, sən kimsən?
Sonra da stula qalx,
Gözlükdən gələnə bax.
Qonaq desə ki, “Mənəm,
Dayınam, ya əminəm,
Sevindiyindən uçma,
Qaçıb qapını açma.
Nə danışsa, nə desə,
Qapı açma, heç kəsə.
De, - Get, gələrsən axşam,
Gələndə atam, anam.
Desə, gəlmişəm qonaq,
Gətirmişəm bal, qaymaq”.
De: “Bilmirsən, ay qonaq,
Qapını açmaz uşaq?”.
Nə danışsa, nə desə,
Qapı açma, heç kəsə.
De, - Get, gələrsən axşam,
Gələndə atam, anam.
Müəllif: Gülzar İbrahimova